ᑲᔪᖏᖅᓴᐅᑦ ᑮᓇᐅᔭᒃᓴᖏᑦ ᓄᑖᑦ ᑮᓇᐅᔭᒃᓴᖏᑦ ᑐᕌᖅᑐᖅ ᐊᔪᖏᑦᑎᐊᖅᑐᓄᑦ ᐃᑲᔫᑎᒃᓴᓄᑦ ᐃᓄᖕᓄᑦ ᓴᓇᖃᑦᑕᖅᑐᖅ ᓴᓇᖕᖑᐊᖅᑐᓕᕆᓂᕐᒥ. ᐱᕙᓪᓕᐊᑎᑦᑎᖃᑎᒌᑦ ᑲᓇᑕ ᑲᑎᒪᔨᖏᑦ ᓴᓇᖕᖑᐊᖅᓯᒪᔪᓄᑦ ᐱᓐᖑᐊᖅᑐᓕᕆᓂᕐᒧᑦ, ᑲᔪᖏᖅᓴᐅᑦ ᑮᓇᐅᔭᒃᓴᖏᑦ ᐱᔪᓐᓇᖅᑕᓯ, ᐃᓄᖕᓄᑦ ᐊᑑᑎᖃᖅᑐᓄᑦ ᑮᓇᐅᔭᒃᓴᐃᑦ ᑖᒃᑯᐊᓗ ᐃᑲᔪᖅᑐᓄᑦ ᐃᓄᐃᑦ ᓴᓇᑐᔪᑦ ᐱᓕᕆᔾᔪᑎᒃᓴᖏᓐᓄᑦ ᐊᒥᓱᓄᑦ ᐊᒻᒪᓗ ᐊᔾᔨᒌᓐᖏᑦᑐᓄᑦ ᑲᔪᖏᖅᓴᐅᑎᒃᓴᓂᒃ - ᐱᓗᐊᖅᑐᒥᒃ ᓯᕗᓪᓕᖅᐹᒥᒃ ᐱᓇᔪᒃᑐᓄᑦ. ᑲᔪᖏᖅᓴᐅᑦ ᐊᑑᑎᖃᖅᑐᖅ ᓇᖕᒥᓂ-ᐊᐅᓚᑦᑎᔪᓐᓇᕐᓂᕐᓄᑦ, ᓴᓇᔪᓐᓇᖅᓯᕙᓪᓕᐊᑎᐊᕐᓂᕐᒧᑦ, ᐊᒻᒪᓗ ᓈᒻᒪᓈᑦᓯᐊᕐᒪᑦ ᑭᖕᖒᒪᒋᔭᖅ ᑲᔪᓯᑎᑦᑐᒪᔭᓄᑦ, ᐱᕈᕈᑎᒃᓴᓄᑦ, ᐊᒻᒪᓗ ᐋᕿᒃᓯᓂᕐᒧᑦ ᑕᒪᐃᓐᓄᑦ ᐃᓅᑉ ᐊᑐᕐᓂᐊᖅᑕᖏᓐᓄᑦ ᓴᓇᖕᖑᐊᖅᑐᓕᕆᓂᕐᒥ.
ᐅᑯᐊ ᐃᓄᐃᑦ ᓴᓇᖕᖑᐊᖅᑐᓕᕆᔨᒃᑯᑦ ᑐᓐᖓᕕᖓᑦ ᐅᐱᒍᓱᒃᑐᑦ ᐃᑲᔪᕈᓐᓇᕋᒥᒃ ᐃᓄᖕᓂᒃ ᓴᓇᑐᔪᓂᒃ ᐊᔪᖏᑦᑎᐊᖅᑐᓂᑦ ᑕᒪᐅᓐᓇ ᑲᔪᖏᖅᓴᐅᑦ ᐊᒻᒪᓗ ᐊᖏᔪᒥᒃ ᑲᔪᖏᖅᓴᐃᕗᒍᑦ ᐱᓇᔪᒍᓐᓇᖅᑐᓂᑦ ᖃᓄᑐᐃᓐᓇᖅ ᓴᓇᑐᔪᖅ ᑮᓇᐅᔭᓕᐅᕈᑎᒃᓴᖏᓐᓄᑦ ᐱᓇᔪᖁᔭᕗᑦ!
ᑮᓇᐅᔭᒃᓴᐃᑦ ᐅᑯᓄᖓ
ᓱᑖᕈᑎᑦ
ᐃᓱᓕᕕᖓ: ᓇᒡᒐᔭ ᑎᓯᐱᕆ 9, 2024 @11:59 ᐅᓐᓄᒃᑯᑦ ᐱᓇᖕᓇᖓᓂ ᓯᕿᖑᔭᖅ
ᓴᓇᕐᕈᑎᑖᕈᓐᓇᖅᑐᑎᑦ ᐊᒻᒪᓗ ᓴᓇᔾᔪᑎᒃᓴᖅᑖᕈᓐᓇᖅᑐᑎᑦ ᑕᒪᒃᑯᐊ ᓯᕗᓪᓕᖅᐹᖓᓂ ᐱᔭᕐᓂᓐᖏᑦᑑᔪᑦ ᓴᓇᓲᓄᑦ ᐊᑐᖃᑦᑕᖅᑕᖏᑦ ᑭᓱᓕᐅᕈᒪᓪᓗᑎᒃ ᓄᑖᓂᒃ. ᓱᑖᕈᑎᑦ ᐋᕿᓱᐃᔾᔪᑕᐅᔪᓐᓇᖅᑐᑦ ᐃᓄᐃᑦ ᓴᓇᖕᖑᐊᖅᑐᓕᕆᔨᒃᑯᑦ ᑐᓐᖓᕕᖓᓄᑦ ᐱᓇᓱᐊᖃᑕᐅᔪᓂᑦ ᑖᒃᑯᑎᒍᑦᐋᓐᑎᐅᕆᐅ ᓴᓇᖕᖑᐊᖅᑐᓕᕆᓂᕐᒧᑦ ᐱᓐᖑᐊᖅᑐᓕᕆᓂᕐᒧᓪᓗ ᑲᑎᒪᔨᖏᑦ ᓄᓇᖅᑲᖅᑳᖅᓯᒪᔪᑦ ᓴᕿᑎᑦᑐᓐᓇᖅᑕᖏᓐᓄᑦ ᑭᓱᒃᓴᖏᓐᓄᑦ ᑮᓇᐅᔭᒃᓴᖓ ᐊᒻᒪᓗ ᐱᕕᖃᕐᑎᑦᑎᓂᐊᖅᑐᖅ ᓴᓇᖕᖑᐊᖅᑎᓂᒃ ᑮᓇᐅᔭᒃᓴᖃᖅᑎᓪᓗᒋᑦ ᓂᐅᕕᕈᓐᓇᕐᓂᐊᕐᒪᑕ. ᑮᓇᐅᔭᒃᓴᖅ $500 ᐅᕝᕙᓘᓐᓃᑦ $1,000 ᐱᔭᐅᔪᓐᓇᖅᑐᑦ ᐊᒻᒪᓗ ᓄᑖᑦ ᓴᓇᖑᐊᖃᑦᑕᓕᓵᖅᑐᑦ ᐊᔭᐅᖅᐸᕗᑦ ᑲᔪᖏᖅᓴᔭᕗᑦ ᐱᓇᓱᖁᓪᓗᒋᑦ.
ᓄᓇᖃᕈᕕᑦ ᐃᓗᐊᓂ ᐋᓐᑎᐅᕆᐅ, ᐊᑏ ᐱᓇᔪᒋᑦ ᑖᒃᑯᑎᒍᑦ ᐋᓐᑎᐅᕆᐅ ᓴᓇᖕᖑᐊᖅᑐᓕᕆᓂᕐᒧᑦ ᐱᓐᖑᐊᖅᑐᓕᕆᓂᕐᒧᓪᓗ ᑲᑎᒪᔨᑦ.
ᐃᓂᖃᕐᕕᒃ
ᐊᒡᒋᖅᑐᖅ
ᑕᒪᕐᒥᒃ ᓴᓇᖕᖑᐊᖅᑎᑦ ᐃᓂᖃᕆᐊᖃᖅᑐᑦ, ᐃᓱᒪᒃᓴᖅᓯᐅᕐᕕᖃᕐᓗᑎᒃ ᐊᒻᒪᓗ ᑐᑭᓯᓇᓱᒃᕕᖃᕐᓗᑎᒃ. ᐃᓂᖃᕐᕕᒃ ᑐᓂᓯᓯᒪᕗᖅ ᐃᓄᖕᓄᑦ ᓴᓇᑐᔫᑎᓄᑦ ᖃᓄᕆᑦᑐᑐᐃᓐᓇᓄᑦ ᑮᓇᐅᔭᒃᓴᓂᒃ ᐃᑲᔫᑎᓂᒃ ᖃᐅᔨᓴᕈᑎᒃᓴᖏᓐᓄᑦ, ᖃᓄᐃᓕᖓᔪᓐᓇᖅᑐᓄᑦ ᖃᐅᔨᓇᓱᒍᑎᒃᓴᖏᓐᓄᑦ, ᐱᒋᐊᕈᑎᒃᓴᖏᓐᓄᑦ ᐊᒻᒪᓗ ᐱᔭᕇᖅᓯᔾᔪᑎᒃᓴᖏᓐᓄᑦ ᓄᑖᓂᒃ ᓴᓇᔭᒃᓴᖏᓐᓂᒃ, ᐅᕝᕙᓘᓐᓃᑦ ᓯᕗᓂᒃᓴᑦᑎᓐᓂ ᐋᕿᒃᓯᒪᔭᖏᓐᓄᑦ ᓴᓇᓂᐊᖅᑕᓂ. ᐊᑭᑭᑐᓄᑦ ᑐᒃᓯᕋᐅᑎᑦ ᑕᒪᐃᓐᓂᑦ ᖃᓄᑐᐃᓐᓇᖅ ᓴᓇᓂᐊᖅᑐᑦ ᐊᖏᖅᑕᐅᖃᑦᑕᖅᑐᑦ ᑮᓇᐅᔭᒃᓴᓂᒃ ᐃᒪᓐᓇᐅᑎᒋᔪᖅ $3,500.
ᑐᕌᒐᖅ
ᐃᓱᓕᕕᖓ: ᓈᑦᓯᖑᔭᖅ, ᑎᓯᐱᕆ 1, 2024 @11:59 ᐅᓐᓄᒃᑯᑦ ᐱᓇᖕᓇᖓᓂ ᓯᕿᖑᔭᖅ
ᑐᕌᒐᖅ ᐅᓇ ᓴᓇᓯᒪᔪᖅ ᑖᒃᑯᓄᖓ ᐸᕐᓇᐃᔪᓄᑦ ᐊᖏᓂᖅᓴᓂᒃ ᓴᓇᔭᐅᔪᓄᑦ ᐊᒻᒪᓗ ᐃᑲᔪᕈᓐᓇᖅᑐᑦ ᓴᕿᑎᑦᑎᕕᒋᓗᒋᑦ ᓴᓇᑦᑎᐊᖅᓯᒪᔪᓂᒃ ᑕᑯᔭᐅᔪᓐᓇᖅᑐᓂᒃ ᐃᓅᓯᕐᒥ. ᑐᒃᓯᕋᐅᑎᑦ ᓇᑭᑐᐃᓐᓇᖅ ᑕᒪᐃᓐᓂᑦ ᐊᖏᖅᑕᐅᓂᐊᖅᑐᑦ ᑮᓇᐅᔭᒃᓴᓂᒃ ᐅᑎᕈᓐᓇᓐᖏᑦᑐᓂᒃ $10,000 ᐅᕝᕙᓘᓐᓃᑦ $15,000. ᓯᕗᓪᓕᐅᑎᔭᐅᓂᐊᖅᑐᑦ ᑐᒃᓯᕋᐅᑎᑦ ᑖᒃᑯᐊ ᑕᑯᑎᑦᑎᔪᑦ ᓴᕿᔮᖅᑐᒃᓴᓂᒃ ᐊᒻᒪᓗ ᐋᕿᒍᑎᔪᑦ ᑕᒪᐃᓐᓄᑦ ᒪᓂᓴᐅᑎᑎᒍᑦ ᐊᐅᓪᓗᑎᔭᑎᑦ.
ᐱᓇᔪᒋᑦ ᒫᓐᓇ
ᐱᑎᑕᐅᔪᓐᓇᖅᑐᑦ ᐃᒪᓐᓇᐃᓕᐅᕈᑕᐅᔪᓄᑦ
ᐅᑯᐊ ᐊᑖᓂ ᐃᒪᓐᓇᐃᓕᐅᕈᑕᐅᔪᑦ ᖃᓄᐃᓕᐅᕈᑕᐅᔪᑦ ᐱᑎᑕᐅᔪᓐᓇᖅᑐᑦ ᑕᒡᕘᓇ ᓱᑖᕈᑎᑦ:
-
ᓂᐅᕕᐅᑎᒃᓴᑦ ᓴᓇᖑᐊᖅᑕᐅᓂᐊᖅᑐᓂᒃ ᐊᒻᒪᓗ ᐱᖁᑎᓂᒃ, ᑕᒪᒃᑯᐊᓗ ᐊᖑᓇᓱᒍᑎᑦ ᓄᐊᑦᑎᓂᐊᕐᓗᒥ ᓄᓇᒥᐅᑕᕐᓂᑦ
-
ᐊᐅᓪᓚᕈᑎᒃᓴᑦ ᐊᑭᖏᓐᓄᑦ ᓄᐊᑦᑎᓂᐊᕐᓗᓂ ᓄᓇᒥᐅᑕᕐᓂᑦ
-
ᐊᑭᓕᐅᑎᒃᓴᑦ ᐊᑭᖏᓐᓄᑦ ᐊᐅᓪᓚᕐᑎᓐᓂᐊᕐᓗᒋᑦ ᐅᕝᕙᓘᓐᓃᑦ ᑎᑭᑎᑦᑎᓂᐊᕐᓗᓂ ᓴᓇᖕᖑᐊᕈᑎᒃᓴᓂᒃ ᐊᒻᒪᓗ ᐱᖁᑎᓂᒃ
ᓇᓕᐊᑐᐃᓐᓇᖅ ᑲᑎᖓᔪᑦ ᐊᑖᓂ ᑎᑎᕋᖅᓯᒪᔪᑦ ᖃᓄᐃᓕᐅᕈᑎᑦ ᐱᑎᑕᐅᔪᓐᓇᖅᑐᑦ ᑮᓇᐅᔭᒃᓴᓂᒃ ᑖᒃᑯᑎᒍᑦ ᐃᓂᖃᕐᕕᒃ ᐊᒻᒪᓗ ᑐᕌᒐᖅ:
-
ᓴᓇᓗᒋᑦ ᐊᒻᒪᓗ ᐱᔭᕇᕋᓱᒋᐊᓕᑦ ᓴᓇᔭᑎᑦ
-
ᐊᑐᖅᑐᐊᕈᑎᑦ ᓴᓇᕕᖕᒧᑦ ᐃᓂᒋᔭᕐᓄᑦ
-
ᐱᔭᕆᐅᖅᓴᑎᑦᑎᔾᔪᑎᑦ ᐅᕝᕙᓘᓐᓃᑦ ᐃᓕᓐᓂᐊᕐᑎᑦᑎᔾᔪᑎᑦ ᓴᓇᖕᖑᐊᕈᓐᓇᖅᓯᓂᐊᕐᒪᑕ
-
ᓴᓇᑐᔪᓄᑦ ᑲᔪᖏᖅᓴᐅᑎᒃᓴᖏᓐᓄᑦ
-
ᓴᕿᑎᑦᑎᔾᔪᑎᒃᓴᓄᑦ ᓴᓇᖕᖑᐊᖅᓯᒪᔭᓂᒃ
-
ᓂᐅᕐᕈᑎᒃᓴᖏᓐᓄᑦ ᓴᓇᖕᖑᐊᖅᓯᒪᔭᓂᒃ ᓴᖏᔮᕐᑎᓐᓂᐊᕐᓗᒋᑦ ᐅᕝᕙᓘᓐᓃᑦ ᑕᑯᔭᒃᓴᐅᑎᓐᓂᐊᕐᓗᒋᑦ
-
ᐃᓚᐅᔾᔪᑎᒃᓴᓄᑦ ᓴᓇᖕᖑᐊᖅᑎᑦ ᖃᓄᐃᓕᐅᖅᑎᑕᐅᑎᓪᓗᒋᑦ ᑕᒪᒃᑯᐊ ᓴᓇᖕᖑᐊᖅᓯᒪᔪᓂᑦ ᓴᕿᔮᕐᑎᑦᑎᓂᖅ ᐅᕝᕙᓘᓐᓃᑦ ᐃᓂᖃᕐᑎᑦᑎᓂᖅ
-
ᐋᕿᒃᓱᐃᓂᖅ ᓴᓇᖕᖑᐊᖅᑎᓄᑦ ᖃᕆᓴᐅᔭᖃᕐᕕᒃᓴᖏᓐᓄᑦ ᐅᕝᕙᓘᓐᓃᑦ ᑎᑎᖃᖁᑎᒃᓴᖏᓐᓄᑦ
-
ᐅᖃᓕᒫᒐᕐᒧᐊᖅᑕᐅᔾᔪᑎᒃᓴᓄᑦ ᐅᕝᕙᓘᓐᓃᑦ ᓇᖕᒥᓂᖅ-ᑎᑎᕋᕈᑎᒃᓴᑦ ᓲᕐᓗ ᐅᖃᓕᒫᒐᖅ, ᐃᓕᓐᓂᐊᕈᑎᑦ, ᑕᐃᒎᓯᓕᕆᓂᖅ, ᐅᖃᓕᒫᒐᒃᓴᓄᑦ, ᐊᓯᖏᓐᓄᓪᓗ.
ᐃᒪᓐᓇ ᐱᓇᔪᒍᓐᓇᖅᑐᑎᑦ
ᐱᓇᔪᒍᑎᑦ ᐊᖏᖅᑕᐅᓂᐊᖅᑐᑦ ᐊᐅᓪᓚᖅᑎᑕᐅᔪᑦ ᖃᕆᓴᐅᔭᒃᑯᑦ, ᓱᒃᑲᔪᒃᑯᑦ ᐊᒻᒪᓗ ᐅᖃᓘᑎᒃᑯᑦ ᖃᓪᓗᓇᐅᔭᕐᓗᑎᑦ, ᐊᒻᒪᓗ ᐃᓄᒃᑐᑦ ᐅᖃᓪᓚᒡᓗᑎᑦ. ᑕᒪᕐᒥᒃ ᐃᓄᒃᑎᑑᓕᕆᔨᖃᖅᑐᑦ ᑖᒃᑯᑎᒍᑦ ᐃᓄᐃᑦ ᓴᓇᖕᖑᐊᖅᑐᓕᕆᔨᒃᑯᑦ ᑐᓐᖓᕕᖓ. ᑕᑯᔪᓐᓇᖅᑕᑎᑦ ᐱᓇᔪᒍᑎᑦ ᑕᑕᑎᕆᐊᓕᑦ ᑐᑭᓯᓇᖅᓯᑎᑦᑎᓯᒪᔪᑦ ᓇᓗᓇᐃᔭᑦᑎᐊᖅᓯᒪᓪᓗᑎᒃ.
ᑐᓂᓯᔪᓐᓇᓐᖏᑦᑐᑎᑦ ᐱᓇᔪᒍᑎᖕᓂᒃ ᐊᔾᔨᒌᓐᖏᑦᑐᓄᑦ ᑕᐃᒪᐃᑦᑐᓕᕆᔪᓄᑦᑕᐅᖅ. ᐊᑏ ᓂᕈᐊᕐᓗᒍ ᓇᓕᐊᒃ ᓈᒻᒪᓛᖑᔪᖅ ᑭᖕᖒᒪᒋᔭᕐᓄᑦ.
ᐃᓕᔅᓯᓐᓂᒃ ᐃᑲᔪᕈᒪᕗᒍᑦ ᑮᓇᐅᔭᓂᒃ ᑐᒃᓯᕋᖅᑕᔅᓯᓐᓂᒃ ᐱᔪᓐᓇᑦᑎᐊᕈᓐᓇᕐᓂᐊᕋᔅᓯ ᓴᓇᐅᒐᓕᐅᕐᓂᐊᕈᔅᓯ! ᐅᕙ ᐅᑯᐊ ᐃᑲᔪᕈᑎᒋᔪᓐᓇᕐᓂᐊᖅᑕᓯ ᑎᑎᕋᓕᕈᔅᓯ ᐱᔪᓐᓇᐅᑎᓂᒃ.
ᐃᑲᔪᕈᑎᒃᓴᑦ
ᐱᓇᔪᒃᑐᑦ ᑐᓂᔭᐅᔪᓐᓇᖅᑐᑦ
ᐅᓇ ᐱᓕᕆᑎᑦᑎᔾᔪᑕᐅᔪᖅ ᒪᑐᐃᖓᔪᖅ ᐃᓄᖕᓄᑦ ᑖᒃᑯᐊᓗ ᐱᓕᕇᓇᓲᑦ ᓴᓇᐃᓐᓇᓲᑦ ᓴᓇᖕᖑᐊᖅᑐᓕᕆᓂᕐᒥ. ᑲᔪᖏᖅᓴᐃᕗᒍᑦ ᐱᓇᔪᖁᔨᓪᓗᑕ ᑕᒪᐃᓐᓂᑦ ᐱᓕᕆᐊᕆᕙᒃᑕᖏᓐᓄᑦ ᐊᒻᒪᓗ ᐃᓕᓐᓂᐊᕈᑎᒃᓴᖏᓐᓄᑦ ᐃᖅᑲᓇᐃᔮᕆᓂᐊᖅᑕᒥᖕᓄᑦ ᓇᓕᐊᖕᓂᑐᐃᓐᓇᖅ, ᐅᓇ ᓈᒻᒪᓈᖅᓯᒪᑦᑎᐊᖅᑐᖅ ᓯᕗᓪᓕᖅᐹᒥᒃ ᐱᓇᔪᒃᑐᓄᑦ. ᐱᑎᑕᐅᔪᓐᓇᖅᑐᑦ ᐊᔾᔨᒌᓐᖏᑦᑐᓄᑦ ᑮᓇᐅᔭᒃᓴᖅᑖᕐᕕᖃᖅᑐᓄᑦ ᐊᒻᒪᓗ ᐱᓇᔪᒃᑐᑦ ᑎᑭᐅᑎᓯᒪᔭᕆᐊᖃᖅᑐᑦ ᐱᑎᑦᑎᔪᓐᓇᖅᑐᑦ ᑕᖏᖏᓐᓂᒃ. ᐊᑏ ᑕᑯᓗᒍ ᐱᓇᔪᒍᑎᑦ ᑕᑕᑎᕆᐊᓕᒃ ᐊᔪᖏᑦᑎᑕᐅᖕᒪᖔᖅᐱᑦ ᓇᓗᓇᐃᑦᑎᐊᖅᓯᒪᔪᑦ.
ᖃᐅᔨᓴᖅᑕᐅᔾᔪᓯᖓ
ᓯᓚᑎᑦᑎᓐᓂᖔᖅᑐᑦ, ᑕᒪᕐᒥᒃ-ᐃᓄᖕᓄᑦ ᐱᓇᔪᒃᑐᓄᑦ ᖃᐅᔨᓴᖅᑎᑦ ᑲᑎᒪᔨᕋᓛᑦ ᐅᑯᐊᓗ ᑲᑎᒪᔨᖃᖅᑐᑦ ᓇᑭᑐᐃᓐᓇᖅ ᑭᓱᓕᕆᔨᑐᐃᓐᓇᓂᑦ ᐊᒻᒪᓗ ᐊᓯᖏᓐᓂᒃ ᐱᓕᕆᕕᖃᖅᑐᑦ ᐃᓗᐊᓂ ᐊᖏᓂᖅᓴᐅᔪᑦ ᐃᓄᐃᑦ ᓴᓇᖕᖑᐊᖅᑎᓄᑦ ᖃᐅᔨᓴᑦᑎᐊᕐᓂᐊᖅᑐᑦ ᐱᓇᔪᒍᑎᒋᔭᕐᓂᒃ.
ᖃᐅᔨᓴᕈᑎᓂᒃ ᒪᓕᒃᑕᐅᔪᒃᓴᓂᒃ
ᑭᖑᓂᑦᑎᓐᓂ ᓴᓇᖃᑎᒋᓚᐅᖅᑕᕗᑦ ᖃᐅᔨᓴᖅᖢᑕ
ᑲᑎᒪᔨᖑᖃᑕᐅᔪᒪᒍᕕᑦ ᐱᓇᔪᒃᑐᓄᑦ ᖃᐅᔨᓴᖃᑦᑕᖅᑐᑦ ᑖᒃᑯᓄᖓ ᐃᓄᐃᑦ ᓴᓇᖕᖑᐊᖅᑐᓕᕆᔨᒃᑯᑦ ᑐᓐᖓᕕᖓᑕ ᐱᓕᕆᑎᑦᑎᔾᔪᑎᖏᓐᓄᑦ? ᐱᓇᔪᒋᑦ ᐅᓪᓗᒥ!
ᑎᑎᕋᖅᑕᐅᔭᕆᐊᓖᑦ
ᐅᖃᖅᑕᐅᓯᒪᔪᓂᑦ
ᒪᓕᒃᑕᐅᔭᕆᐊᓖᑦ, ᑕᐃᒃᑯᐊ ᓂᕈᐊᖅᑕᐅᔪᒪᔪᐃᑦ ᑮᓇᐅᔭᓂᒃ ᑐᒃᓯᕋᖅᓯᒪᔪᐃᑦ ᑐᔪᖅᑕᐅᒍᑎᒃ ᐱᔭᕇᕆᐊᖃᖅᐳᑦ ᐱᓂᐊᕐᓂᕋᖅᓯᒪᔭᒥᓂᒃ ᑎᑎᕋᓚᐅᖅᑕᒥᓂᒃ ᑕᖀᑦ 12ᔪᐃᑦ ᓈᓚᐅᖏᓂᖏᓐᓂᑦ.
ᐃᓄᐃᑦ ᓴᓇᙳᐅᖅᑐᓕᕆᔨᒃᑯᑦ ᑐᙵᕕᖓᑦ ᐊᐱᕆᕗᑦ ᑮᓇᐅᔭᖅᑖᖅᑐᐃᑦ ᓇᐃᑦᑐᒥᒃ ᑎᑎᕋᖁᓪᓗᒋᑦ ᐅᓂᒃᑳᒥᓂᒃ ᑖᓐᓇ ᑮᓇᐅᔭᓂᒃ ᑐᓂᓯᕙᖕᓂᐅᔪᖅ ᐊᐅᓚᑦᑎᐊᖁᒧᑦ. ᑕᐃᒫᒃ ᑐᖅᓯᕋᖅᓯᒪᔪᑦ ᐅᓂᒃᑳᑦᑎᐊᕈᓐᓇᕐᓂᐊᕐᒪᑕ ᐱᔭᕇᖅᓯᒪᔭᒥᓂᒃ ᓱᓇᓄᑦ ᑮᓇᐅᔭᑦ ᐊᑐᖅᑕᐅᓚᐅᕐᓂᖏᓐᓂᒃ ᐊᒻᒪᓗ ᑐᓴᖅᑎᑦᑎᖁᓪᓗᒋᑦ ᐃᓄᐃᑦ ᓴᓇᙳᐅᖅᑐᓕᕆᔨᒃᑯᑦ ᑐᙵᕕᖓᑦ ᖃᓄᖅᑑᕈᑎᖃᖁᓪᓗᒋᑦ. ᑖᒃᑯᐊ ᑎᑎᕋᖅᑕᐅᔪᐃᑦ ᐅᓂᒃᑳᑦ ᐃᑲᔫᑕᐅᓂᐊᖅᑐᑦ ᖃᓄᒃᑲᓐᓂᖅ ᐋᖅᑭᒋᐊᑲᓐᓂᖅᑐᖃᕆᐊᖃᕐᓂᖅᐸᑦ ᑕᒪᑐᒥᖓ ᑮᓇᐅᔭᒃᑯᑦ ᐃᑲᔪᕐᓂᐅᔪᖅ ᐋᖅᑭᑦᑎᐊᖅᓯᒪᖁᒪᒧᑦ ᐃᑲᔪᑦᑎᐊᑲᓐᓂᖁᓪᓗᒋᑦ ᐃᓄᖕᓂᑦ ᓴᓇᙳᐊᖅᑎᐅᔪᓂᑦ.
ᐊᒻᒪᓗᑦᑕᐅᖅ ᑎᑎᖅᑲᐃᑦ ᐃᓚᒋᓂᐊᖅᑕᖓᓂᑦ ᑮᓇᐅᔭᖅᑖᖅᑎᑕᐅᔪᑦ ᐅᖃᓪᓚᖃᑎᖃᖁᔭᐅᒋᕗᑦ ᐊᐅᓚᑦᑎᔨᒧᑦ ᐃᓱᒪᒋᔭᒥᓂᒃ ᑮᓇᐅᔭᖅᑖᖅᓯᒪᔪᓪᓗ ᖃᖓᑐᐃᓐᓇᑦᑎᐊᖅ ᐊᐱᖅᑯᑎᖃᕈᑎᒃ ᐅᒡᕙᓘᓐᓃᑦ ᑐᓴᖅᑎᑦᑎᔪᒪᒍᑎᒃ ᐃᓱᒪᒋᔭᒥᓂᒃ.
ᑲᐃᐅᓪ ᐊᓕᑲᒃ
ᐊᐅᓚᑦᑎᔨ
kaleekuk[at]inuitartfoundation[dot]org
647-498-7717 ext 115
ᑲᑎᒪᓪᓗᑎᒃ ᐃᓕᓐᓂᐊᖅᑎᑦᑎᓂᖅ
ᐃᓕᓴᕐᓂᖅ: ᐱᓇᓱᒍᓐᓇᖅᐳᓯ ᑲᔪᖏᖅᓴᐅᑦ ᑐᓐᓂᖅᑯᓯᐊᓂᒃ ᑮᓇᐅᔭᓂᒃ
-
ᑭᒃᑯᑦ ᐱᓇᓱᒍᓐᓇᖅᐸᑦ
-
ᐊᑐᖅᑕᐅᖔᕈᓐᓇᖅᑐᑦ ᑐᓂᔭᐅᔾᔪᑎᓂᒃ
-
ᐱᒻᒪᕆᐅᔪᑦ ᐃᓱᓕᕕᒃᓴᐃᑦ
-
ᐊᔪᕆᖅᓱᐃᔾᔨᓂᖅ ᐱᓇᓱᒍᑎᒥᒃ ᑎᑎᕋᕐᓗᓂ
-
ᖃᓄᐃᑦᑐᒥᒃ ᐃᑲᔪᖅᑕᐅᔪᓐᓇᕈᑎᓂᒃ ᐱᔪᓐᓇᖅᐱᓯ
ᐊᐱᖁᑎᒃᓴᖃᖅᐲᑦ? ᑐᑭᓯᒋᐊᑲᓐᓂᕈᓐᓇᖅᑐᑎᑦ ᐊᒻᒪᓗ ᐃᑲᔪᖅᑕᐅᓗᑎᒃ ᐅᓇ ᐅᖃᕐᕕᒋᓗᒍ:
ᑲᐃᐅᓪ ᐊᓖᑯᒃ
ᐱᓕᕆᑎᑦᑎᔾᔪᑕᐅᔪᓄᑦ ᓴᓇᔨ
647.498.7717 ᐱᑐᒍᑖ 115
kaleekuk[at]inuitartfoundation[dot]org
ᑐᓵᔨᖃᕐᓂᐊᖅᑐᑎᑦ ᑐᑭᓯᑎᑕᐅᔪᒪᒍᕕᑦ ᐅᕝᕙᓘᓐᓃᑦ ᑐᒃᓯᕋᕐᓗᑎᑦ ᐃᓄᒃᑑᕈᒪᓗᑎᑦ. ᐊᑏ ᐃᓂᖃᕐᑎᑦᑎᓗᑎᑦ ᐃᖅᑲᓇᐃᔭᖅᑎ ᐃᓕᖕᓄᑦ ᑭᐅᓂᐊᕐᒪᑦ ᐊᐱᖁᑎᖕᓂᒃ ᐅᕝᕙᓘᓐᓃᑦ ᐃᓂᓕᐅᕆᓂᐊᕐᒪᑦ ᐅᖃᓪᓚᒡᕕᒋᔪᓐᓇᕐᓂᐊᕋᑦᑎᒋᑦ ᑐᓵᔨᖃᕐᓗᑕ.
ᐊᐱᖁᑕᐅᒐᔪᓲᑦ
ᐃᓕᓴᕆᔭᕗᑦ ᐃᑲᔪᕐᒪᑕ ᑖᒃᑯᐊ ᑲᓇᑕᒥ ᑲᑎᒪᔨᑦ ᓴᓇᖕᖑᐊᖅᑐᓕᕆᓂᕐᒧᑦ ᐊᒻᒪᓗ ᐱᓐᖑᐊᖅᑐᓕᕆᓂᕐᒧᑦ .